A estela

PORNOGRAFÍA INFANTIL NON*

2008-11-21T11:03:04+00:00

Se calquera de vós que chegáchedes a esta páxina tras facer unha búsqueda con palabras como "angels", "lolitas", "preteens", "girllover", "childlover", "boyboy", "feet boy", "boylover", "fetishboy" ou calquera outra e pretendedes atopar aquí algo semellante a pornografía infantil non estades de sorte repugnantes bechos. Sí, bechos e bestas inmundas iso é o que sodes e non hai en vós pizca de humanidade. Quen housa facer mal aos nenos, seres inocentes e indefensos non é quen de recibir o nome de humano. Sodes repugnantes, noxentos e a fetidez das vosas mentes enfermas é insoportable. Sabede que os vosos macabros actos acabaredes pagándoos, que a xente de ben non ha deixar que saiades coa vosa.

Por iso todos debemos estar alerta e se detectamos algún caso de pornografía ou abusos infantís denuncialos para que os responsables non queden impunes. Os nosos pequenos merecen que estemos atentos e á espreita para tentar que ningún teña que pasar por cousas semellantes a isto:

* Onte foi o DÍA DO NENO pero foime imposible conectarme. Sen embargo de hoxe non podía pasar que escribira este post.

Hai que agradecer a Nacho de la Fuente (La Huella Digital) e a Paco Sánchez (Vagón-Bar) a iniciativa da CAMPAÑA CONTRA A PORNOGRAFÍA INFANTIL. Os seus post do día 20/11/08 son formidables (http://lahuelladigital.blogspot.com/2008/11/pornografa-infantil-no.html y http://blogs.lavozdegalicia.es/pacosanchez/2008/11/20/pornografia-infantil-no/)

ACTUALIZACIÓN:

1.115 BLOGS Y 4.000 PERSONAS EN FACEBOOK BERRARON NON Á PORNOGRAFÍA INFANTIL

ESTOU EN CONTRA DA PORNOGRAFÍA INFANTIL

2008-10-24T11:56:26+00:00

Debido á grande polémica que se está xerando en torno á campaña "PORNOGRAFÍA + INFANTIL NON" quero deixar claro o seguinte:

Eu afirmo categoricamente que estou en contra da pornografía infantil na rede e en tódolos ámbitos. Que ninguén me obrigou a apoiar a campaña "PORNOGRAFÍA + INFANTIL NON", que é un apoio que fixen libremente. Un apoio sinceiro.

PORNOGRAFÍA + INFANTIL NON

2008-10-29T12:51:19+00:00

Nacho de la Fuente xunto a Paco Sánchez puxeron en marcha unha campaña contra a pornografía infantil á que animo a todo o mundo a que se una. A unión fai a forza.

La Huella Digital.

Aqueles "marabillosos" anos

2008-10-16T11:54:55+00:00

Faláronme deste vídeo sobre os oitenta e ademais de rir un pedazo fíxome recordar cousas da infancia.

Unha imaxe vale máis que mil palabras

2008-10-01T00:05:19+00:00

Non fun quen de resistirme a subir esta foto. É da fotógrafa Martina Mixer, na Festa do Albariño, e comentábaa hai un tempo Vítor Mejuto no seu blog. Non hai moito que dicir, a estampa fala por si mesma. Ás veces as imaxes si valen máis que mil palabras.

Aumentarlle un cacho

2008-09-24T12:21:28+00:00

Como me reventa a xente que aumenta cachos. Refírome ás persoas que ao reproducir conversas que mantiveron con outros engaden cousas que aqueles nunca dixeron para darlle máis interese ao asunto, para que aquilo que lle dixeron pareza máis grave ou simplemente para quedar ben con outro e facerlle a pelota. O caso é aumentarlle un cacho por algunha razón. Pero o peor non é iso senón que non teñen reparo ao aumento nin estando diante unha terceira persoa que sabe que as cousas non foron tal como di.

Este pavoneo de farsantes semellantes é superior a min, revéntanme. Hoxe tocoume sufrir un e isto soe suceder máis a miúdo do que me gustaría (e non estou aumentando cacho ningún).

Dá que pensar

2008-09-24T11:59:37+00:00

Onte clausuráronse os Xogos Paralímpicos de Pekín.

Os deportistas españois conseguiron 58 medallas (15 oros, 21 pratas e 22 bronces). Un grande éxito.

Os medios de comunicación non se volcaron neste evento coma si o fixeron, o pasodo mes, nos Xogos Olímpicos nos que España fíxose con 18 metais (5 ouros, 10 pratas e 3 bronces).

Dá que pensar...

Educando en boas maneiras?

2008-09-17T22:34:53+00:00

Unha fermosa tarde de sábado.

Unha rúa peatonal dunha cidade.

Unha familia paseando: o pai, a nai, o avó, a avoa e, por suposto, un neno duns tres anos brincando feliz da man do seu proxenitor.

Todo normal.

Ata que tan marabillosa postal tórnase grotesca.

De repente o pai do pequeno lánzalle con ímpetu un esgarro á cara ante a indiferencia do resto dos adultos.

O cativo tralo susto inicial rompe a chorar a bágoa tendida.

Entón, a avoa aloumíñao e trata de calmalo á vez que reprende, sen moito aquel, ao fillo e interrógao polo feito.

Todo cheo de razón resposta: "Así aprenderá para toda la vida que no se escupe en la calle".

Novamente, silencio que só racha o choro do crío.

Non sei vós co que vos conto pero eu quedei coa boca aberta ante a escena.

Sinceiramente, nunca tal cousa vira.

É esa maneira de educar?

Dá medo pensar que cando un chegue a ser pai poida actuar de xeito semellante.

Éntranme arrepíos.

Cousas

2008-09-17T08:09:21+00:00

Unha grande amiga deume un importante e moi bo consello hai algún tempo. As cousas hai que:

"Velas vir, deixalas ir e paralas a tempo"

Observar, deixar que corra un pouco o tempo e se hai que reaccionar facelo.

Esta máxima, que na súa casa é "unha lei de vida", serviume e sérveme de moito.

Grazas

Decepcións

2008-09-17T07:35:51+00:00

Cando eres cativo tes nun pedestal a unha serie de xente á que veneras e ves coma deuses. Persoas cercanas ás que soñas con parecerte e polas que sentes un cariño moi especial. E pola cabeciña dese ratiño pequecho que es pasa iso de "quero ser coma...". Ai!, cantas e cantas veces os teus ollos non viron neles a perfección!

E de repente: Zas! De golpe e porrazo medras e ao medrar as cousas xa non son brancas ou negras. Aparecen os grises, os matices... Esa sublime perfección vai esfumándose e nalgún caso non queda nada dela. Só a decepción: "Ogallá non me pareza nunca a eles".

Ogallá!

Porque todo era fachada.

Pero sempre queda xente marabillosa que non era tan rechamante nun primeiro momento pero na que pouco a pouco comezaches a fixarte. Eles son quen verdadeiramente brilan pola súa bondade. Eles si merecen a pena. A eles si hai que loitar con tódalas forzas para asemellarme aínda que só sexa un pouquiño.

Ogallá!

Porque son transparentes.